Markol fear yn de Skûtsjewike

De ‘Markol’ hat tydens de Skûtsjewike in spesjale feart oanbean oan Grouster en ald Grousters die troch in beheining sels net mear it wetter op kinne.

Woansdeitemiddei 15 juli binne wy mei goed 23 minsken om ien oere fan wâl stutsen. Ús skipper wie Arie Leemburg en hy hie help foar alles en noch wat fan Anneke Postma en Klaas de Boer.

It wie sûterich waer mar de sfear wie poerbêst.

Mei in bakje kofje en in stikje oranjekoeke gong de tocht oer de Mar, de Tynje, Wide Ie, troch it slûske yn de Jansleat, Modderige Bol, Goëngahûstersleat, Kromme Ie, Headamsleat nei Earnewâld en de Alde Feanen, Okse Poel, de Geau, de Greft en fia de Trijehûstersleat wer op nei Grou.

Underweis kamen wy de wetterplysje tsjin, wy hawwe harren, it wie rêstich op it wetter, ek troch it waer, in bakje kofje en in stikje oranjekoeke oanbean. Smakke goed sa te sjen.

Sa’n middei op it wetter is in hiele besjutting foar minsken die’t eartiids in soad mei de boat der op út west ha want dat ropt wer âlde oantinkens op.

Wy witte fan de measten die’t mei oan board wienen dat dit foar harren in unferjitlike middei wie.

Goed dien Bestjoer fan de ‘Markol’ en oankommend jier mar wer.

Klaas de Boer